On Page SEO Tips : Apne Keyword Ko Top 10 Ranking Mai Laaye

On Page SEO Tips : Apne Keyword Ko Top 10 Ranking Mai Laaye

On page seo tips in hindi : Website bana ke launch kar diye to is ka matlab yeh nahin hai ki aap ke site par visitors aane lagenge. Visitors tabhi aayenge jab aap ka site search results ke pehle ya doosre page par dikhai dega. Yeh tabhi hoga jab aap ka site search engine optimized hai. Google aur doosre search engines ne aise niyam banaye hai jis se aap ke site ki tulna hoti hai aur yeh niyamo ke aadhar par aap jo karenge un ko search engine optimization (SEO) kehte hai. SEO se aap ke site ka visibility badh jaata hai. Jaaniye on page SEO tips and tricks in hindi aage padhke aur is tips ko aap apne website mein har ek page optimize karne ke liye upyog kare. 

SEO ek bahut hi vistrut vishay hai jismein upyog hote hai kai terms jaise ki search rank, SERP, first page rank, google analytics, off page optimization aur on page optimization. In sabhi ke baare mein jaankari ho aur upyog kare sahi techniques to search results mein aap ka website ka page ya to blog ka page pehle page par aayega. Sahi technique vahi hai jo Google ke algorithms (niyam) aur doosre search engines ke niyam ke anusar ho. Agar keyword stuffing aur aise practices kiye to unhe black hat maana jaata hai aur aap ka site blacklist bhi ho sakta hai isiliye sahi SEO techniques ka hi prayog kare. 

SEO ke prakar

Search engine optimization do hisso bein baanta ja sakta hai:

• Onsite optimization aur on page optimization. 
• Offsite search engine optimization aur off page optimization

Yahan par jaane on page SEO hindi mein. 

On page SEO kya hai : on page seo क्या है???

Aap ke website ka har ek page ya to blog ka har ek page mein content aur us ke HTML mein headers, tags vagairah ka is tarah se upyog karna chahiye ki search engine ke spider ko aap ka page dhoondhne mein aasani rahe aur page ko top rank de. Blog post ka page ya website ka page ka kai part hai jaise ki: 

• Title
• Keywords
• Heading
• Permalink
• Images
• Internal aur external links

In sabhi ka sahi upyog karne ki paddhiti ko on page SEO kaha jaata hai. 

Keywords

Aap ke website ke page par ya to blog post ke page ke content mein jo keywords aap upyog karenge unhe achchi tarah se research kare aur content ke andar aise shamil kare ki prakrutik lage. Google mein search karenge to search results bhi aate hai aur side mein google ke ads bhi. Is par se aap ko andaza hoga ki kaunse keywords ka mahatva jyada hai. On page optimization ke liye sahi keywords ka chunna aur upyog karna important hai. 

Title, permalink, description

Search results mein aap dekhenge to Google pehle line mein short title deta hai. Doosre line mein link hota hai aur us ke neeche us ka description hota hai. 

• Title: Title important hai search ranking ke liye. Is mein sahi keywords ka upyog karna chahiye. Jis topic par aap ne page ka content likha hai us page ke title mein hi aise keywords use kare jo log istemal karte hai. Title short hona chahiye aur keywords ko repeat na kare. Log kai shabdo ka upyog karte hai jaise ki “Top”, “Best” vagairah to in shabdo ko bhi title mein shamil kare. Title mein numerical ka upyog kare jaise ki “Top 5”. Title mein jyada se jyaada 65 characters ka hi upyog kare aur main keywords title mein shamil ho, jo keywords aap content mein bhi use kare. 
• Permalink: Jo doosre line mein aap ko dikhai deta hai voh link hai. Aap ke website ke page ka URL hoga ya to blogpost ka URL hoga. Is page ka aap naam denge jo link mein dikhai dega aur is mein symbols, brackets, comma, dashes nahin hone chahiye. Yeh URL bhi short hona chahiye aur keywords ka bhi upyog hona chahiye. 
• Meta tag description: Aap web page ka HTML source code dekhenge to header section mein meta tag description hota hai. Is ke andar jyaada se jyaada 160 characters ho sakte hai aur yeh page ka ek short summary jaise hai. Jo search karta hai voh yeh short summary dhyan se padhega aur uchit ho to click karega. Ek hi line mein varnan aise kare ki padhne vala jan jaye ki page ke andar kya content hai. 

Page Heading and sub-heading

Hare ek page me jo content hai us ka ek main heading hona chahiye jis ko H1 tag diya jaata hai. Us ke neeche sub-heading hote hai jinhe h2, h3, aadi ka tag diya jaata hai. Kisi ek ka hi use karna uchit hai. 

Image and Multimedia

Sirf text ho to pages boring lagte hai. Isiliye har ek page par ek ya do images ya to koi ek video jaroor rakhe. Image ko photoshop ya aise koi program mein web image mein convert kare jo .jpg ya .gif format mein ho. Important baat yeh hai ki har ek image ke liye Alt tag aur title ka upyog kare. 

Content mein keywords

Koi bhi content agar SEO drishtikon se likhe to us mein uchit keywords ka shamil hona important hai. Is ka karan hai ki log jab search karte hai to chune hue shabdo ka upyog karte hai. Aap ke content mein yeh shabd ho to search result mein aap ka page ka link dikhai dega. 

Kitne keywords use kare aur ek keyword kitni baar use kare us ke bhi niyam hote hai. Ek important keyword ko 3-5 times se jyaada baar upyog na kare. Is keyword ko highlight ya bold ya underline kare. Doosre supporting keywords ek hi baar use kare to bhi chalega. 

Layout

Kai logo ko aadat hai ki page mein font chota use karte hai aur bahut lamba text hota hai to user ko scrolling karna padta hai. Dikhne mein aur padhne mein yeh bedhanga hai aur SEO ke drishti se bhi uchit nahin hai. Text ko do column mein divide kare. Font chota sa use na kare.  Har ek page mein text bahut jyaada na ho us ka dhyaan rakhe. Beech beech mein paragraphs ho aur sub-heads ho is ka dhyaan rakhe aur ek koi aisa tagline ho jis ko thode bade font mein pesh kare. Text ke saath image ek ya do rakhe. Aap magazine ya newspaper ka page dekhenge to layout ka idea aap ko milega. 

Fast loading page

Page ko load hone mein 2-3 second se jyaada nahin lagna chahiye. Page upload karne ke baad khud hi check kare. Agar samay jyaada lagta hai to theme aur images ko check kare ki kya yehi hai karan slow page load ke liye?  Page overcrowded ho to bhi time lagta hai. Simple page ho to page fast load hoga aur search engines mein is ka prabhav hoga. 

External/Internal Link

Webpage ya to blog post page mein external link aur internal link hona achchi baat hai. External link voh hai ki jo doosre koi website ka reference de. Internal link voh hai jo aap ke website par hi aur koi page ko reference karta hai. 

Content—Number of words, quality

Web page ya blog post ke content mein kitne shabd hone chahiye. 500 shabdo ko standard man ke chaliye. Aap chahe to 300 tak rakhe aur adhik se adhik 1000.  Shabdo ki sankhya se jyaada mahatvapurna baat hai ki content ka quality kaisa hai. Informative aur unique content ko search engines jyaada mahatva dete hai. 

Yeh hai tips on page seo in Hindi jis ke jariye aap apne web page ya blog post ko ranking mein improve kar sakte hai. Ek hi baar karne se kaam khatam nahin ho gaya. Aap check karte rahe loading times aur keywords ko. Agar alag keyword use karne se farak padta hai? Aise nuskhe try karte rahiye aur on page SEO ko aur bhi refine karte rahiye.

TAGS : #seo tips in hindi #on page seo in hindi #on page seo tips in hindi #on page seo tips and tricks #on page seo kaise kare #on page seo techniques #on page seo optimization techniques #seo on page optimization techniques #best on page seo techniques